شويه نكت

موضوع: شويه نكت الثلاثاء يناير 27, 2009 11:29 pm

إثنين محششين .. الأول وقع فى خزان الميه ،
الثانى راح يستناه عند الحنفية

صعيدى اشترى لإبنه آلة حاسبة شال منها الزيرو علشان إبنه مايتصلشى
دولى

محشش بيتصل
بالمطافى: إيه يا جماعة؟ إذا ماكانش فى حريقة
ماحدش يشوفكوا

مرة واحد مسطول بيلعب كورة اخد الكورة على صدره
طلعها من منخيره

مرة واحد مسطول بيوقف تاكسي فسأله: فاضي ياسطة
فقال له الأسطة: ايوة فاضي فقال له السكران طيب ماتيجي تقعد معايا شوية

مسطول بيقول سبحان الله الانسان زي البنى
ادم لما بيتوفى بيموت

مره واحد بيحشش بيقول لصاحبه امبارح جيت اسحب
نفس قالوا لى ملكش رصيد

واحد سكران اتصل على مصر للطيران بيسأل الرحله
من القاهره للندن هاتخد اد ايه فرد عليه الاستعلامات وقاله: ثانيه واحده قال له
السكران طب شكرا

واحد
مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان
مسطول قال له من غير سلطة ايه؟ قال له : من غير سلطة قوطة – صاحب المطعم : ماعنديش
سلطة قوطة اعمله من غير سلطة طحينة؟؟؟

مرة واحد بخيل وابنه قاعدين بياكلو فا مراته جت
فخبطت فقال ابنه قوم افتح لامك قال له: لا ماهى مراتك انته.. قال له دى امك أنت
قال له دى مراتك أنت قال له دى امك انت قال له لا قال له طيب وراح منادى على مراته و قال
لها انتى طالق وراح باصص لابنه وقال له قوم يا فالح افتح لامك بقى

واحد بلدينا اشترى موبايل، ركبله
جهاز اظهار رقم الطالب

مره مسئول كبير راح يفتتح حمام سباحه كبير في
سوهاج فكان مدير الحمام بيشرحله مميزات الحمام فقال: ده يا فندم المنط العشرين متر
اطلع يا محمدين نط فنط و ده يا فندم المنط الاربعين متر اطلع يا حسنين نط فنط فقال
المسئول هايل هايل فقاله المدير ولسه كمان يا فندم لما نملاه ميه

واحد معدى لقى ناس بتهيص
قوى قال لهم فيه ايه قالوله فى واحد بلدياتناعايز ينط من سطح العمارة قالهم خلاص
انا طالعله... طلعله وقاله عايز تنتحر ليه... بلدياتنا قاله اصل انا غبى وكل الناس
بتقول علي غبى راح الراجل قايله هاقولك فزوره لو حلتها ماتبقاش غبى حاجة اسمها زى
شكلها بلدياتنا : ماخبرش الراجل:البيضة.. اقولك واحدة تانية حاجتين اسمهم زى شكلهم
بلدياتنا :ماخبرش الراجل: بيضتين.. اقولك واحدة تانية بسيطه و سهله حاجة كبيرة
وسودة وبتجيب لبن واسمها جموسة بلدياتنا 3 بيضات راح الراجل ماسكه وراميه

مسطول مزور ورقة بنكنوت انما 10/10
مع ذلك مسكوه ياترى ليه ؟ عشان كان مزور ورقة بستين جنيه

ثلاثه صقور اتراهنوا على الصيد راح
الاول ورجع في منقاره دم قليل قال شفتو الشجره اللى هناك دى؟ قالوا أيوه قال
اصطدت عندها أرنب راح الثاني ورجع فى منقاره دم كثير قال شفتو الصخره اللى هناك
دى قالوا أيوه قال اصطدت عندها غزال راح الثالث وهو أغبى واحد فيهم ورجع وكله دم
قال شفتوا العمود اللى هناك ده قالوا أيوه قال أنا ما شفتهوش

اغرب جزمة شوفتها فى حياتى !! اتفرج حتستغرب !!!

فى ناس بتحب التميز

__________________________________________________ _______________

+واحد بلدياتنا وقع من الدور العاشر .. جاله صداع

+مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ

+مره واحد ابنه طلع من الأوائل عمل ايه ؟؟؟؟ شفروه

+واحد بلدياتىواقف قدامه خمس شياطين ليه ....؟؟؟ واحد يوسوسله و اربعه يفهموه

+مرة أتنين صحاب راحوا للحلاق واحد حلق والتاني غويشه

+واحد جدته عيانة و رافضه الاكل فسألها تاكلى مهلبية والا اجوزك.. قالت له لأ يابنى المهلبية ناشفة على سنانى

+مرة واحد مسطول بيلعلب كورة اخد الكورة على صدرة طلعها من منخيرة

+مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت

+جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

+فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى

+مرة كلب فقد الذاكرة ماشى فى الشارع بيقول صوصو...لا نونو.....لا .....

+مرة دكتور تحليل امة ماتت قال تحاليلي ياما

+واحد بلدياتنا اشتري راديو حط فيه حجرين المذيع اتسطل

+بلدياتنا الصغير بيسأل أبوه : ليه يابا ربنا خلج لنا الودان فرد الأب : علشان نعرف العمة بتاعتنا ها تجف لحد فين

+مرة واحد لبّان ابنه دخل المدرسة... قعد اسبوعين وقطع

+واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة0

+مرة ولد سأل ابوه هل الحب اعمي يا بابا قاله بص في وش امك و انت تعرف

+مره واحد بخيل اوى بعت ابنه يشترى له بعشره صاغ جبنه .....راح الواد ورجع بعد شويه وقاله بابا البقال بيقولك تعال الحس السكينه

+بخيل صحى من النوم قال لمراته أنا حلمت إنى اشتريت للأولاد 3 كيلو موز و2 كيلو تفاح قالت له يا راجل ليه التبذير ده قال لها اسكتى خلى العيال تاكل

+فرخة استحمت بهد اند شولدر باضد بيضة من غير اشرة

+مره واحد مسطول بييصطاد سمك بالحشيش طلعتله سمكه بتقول : انا تمساااااااااح

+بلديات قال لصاحبه .. بالي مشغول من امبارح قاله يمكن حد رافع السماعه

+مرة استاد سأل طالب في اي فصل يسقط المطر فال له في الفصل اللى مالهوش سقف

+واحدة بخيلة بعتت ابنها يشترىتلاتة ارغفة لما جه قالتله رجع رغيف ابوك مات

+مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا

+فار محشش قال : كل القطط تحت جزمتى لقى وراه قط اسود قال الا ابو سمره حبيبى

+مرة كان في ماتش بين فريقين حشرات في الشوط الاول في فريق انهزم واحد صفر و الشوط الثاني نزلت أم أربعه و اربعين دخلت 42 هدف بعد الماتش صحفي بيسأل المدرب اللي فاز :ليه مانزلتش أم أربعه و أربعين من أول الماتش ٌقاله:كانت بتربط الجزمة

+واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط

+عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟

+عشرة صعايدة بيتعلموا ربط الكرافتات تسعة ماتوا وواحد فى حالة حرجة

+ست وبنتها ساكنين فى الدور الاخير .. فالبنت نزلت على السلالم ، وبعد كده السلالك كلها اتكسرت ، فتعمل ايه عشان تطلع تانى ؟؟؟؟؟؟؟ .......... على راى المثل اقلب القدره على فمها "تطلع" البنت لأمها

+واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر

+مرة اتنين مساطيل قاعدين فالاول بيقول للتاني هو النهاردة السبت ولا الاحد قام التاني قائل له لا الاتنين ....قام الاول قاله.... جايين مع بعض

+مرة جاموسة جلها جفاف جابت لبن بودرة

+مره واحد لبان أشترى عمارة (ملك) مراته راحت تلم القشطة من علي السطح

+لية السمك بيخاف من الجنية....؟ علشان الجنية فية 100 قرش

+مرة واحد بلدياتنا زار الهرم *فقال يابوى كل دى حتت جبنه نستن

+اتنين صيادلة قابلوا بعض الأول بيقول للتانى يامرهم فينك بنسلين ماشفنكش رد التانى قل له أهى تينيا

+بخــيل وقع فى حفرة ، فتجمع عليه الناس علشان يساعدونه ... المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احنا قاعدين نقوله هات ايدك هات يدك وهو رافض، قال بسيطه ، راح عند البخيل وقال له خذ ايدي ................فطلع البخيل

+مرة واحد كهربائى اجوز واحدة اسمها نجفة ، كل ما ييجى يبوسها يقف على لوح خشب

+مره واحد بيحشش بيقول لصحبه امبارح جيت اسحب نفس قالوا لى ملكش رصيد

+اتنين سكرانين ماشيين فى الشارع لقو عمود نور.. واحد قعد يخبط عليه فصاحبه قاله دة باين مافيش حد.. قاله إزاى ده النور منور

+واحد بلدينا بيسال اخوه تعرف مبنى التجارة الدولى اللى فى نيويورك اتهدم ليه رد علية ليه قالوا اصله كان على ارض زراعية

+السعودية إ تبرعت للصومال بشحنة أدويه ، فرجعتلها تانى ليه؟؟؟؟؟؟؟؟؟؟ ؟ لانها كلها بعد الاكل

+مرة واحد فرعونى حب واحدة فرعونية قال لها: (آمون فيك

+مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين

+فى يوم الاستاذ كنتاكى ومراته نزلوا البحر و مبيعرفوش العوم ، ... كنتاكى "ماك" لكن مراته "ناجتس

+سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه

+واحد سكران فتح التلاجه وبص للجلي ...وجده بيرتعش :قالوه متخفش هاخد عصير

+مرة فار سكران على الاخر شافة قط جعان جرى وراة فعدت عربية بسرعة فرمت القط.. والفار اغم علية ولما فاق وشاف القط مفروم قال (يووة هو انا كل ما اسكر اعملى مصيبة

+واحد بلدياتنا فى المصيف إتصور بمايوه و بعت صورته البلد بعتوله هدومه

+واحد سأل صاحبه .. ايه السبب الرئيسى للطلاق ؟ قاله الزواج

+مرة واحد ماذون مش لاقي شغل طلق مراتة

+نجار مراته تغسل الغسيل وهو ينشره

+واحدبلدياتنا سافر فرنسا بعت جواب لابوه بيقوله فرنسا حلوه يابويى فرنسا جميله قوى يا بويى ابوه بعتله جواب قاله اتجدعن وانا اجوزها لك

+مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا

موضوع: رد: شويه نكت الأربعاء يناير 28, 2009 8:40 am

هههههههههههههههههههههههههههه

جامدين اخر حاجه ياندور

تسلم ياقمر

موضوع: رد: شويه نكت الأربعاء يناير 28, 2009 1:59 pm

العب العب يا اتاري

جااااااااااااااااااامد

موضوع: رد: شويه نكت الأربعاء يناير 28, 2009 3:04 pm

ههههههههههههههههههههههههههههه
بصراحة جامدة اووووووووووووووووووووى يا نادر

موضوع: رد: شويه نكت الخميس يناير 29, 2009 9:37 pm

شكرا ليكم كلكم وشكرا على مروركم